Network
Para pangemban pangembating praja ingkang dahat kinurmatan, saha sedaya warga blimbing ingkang minulya, ugi dhumateng mudha mudhi ingkang kula tresnani.
Langkung Rumiyin sumangga kula dherekaken ngonjukaken puji syukur wonten ngarsanipun gusti ingkang Maha Agung ingkang sampun paring kanugrahan dhumateng kula lan panjenengan sedaya dipun keparengaken makempal wonten ing papan punika kanthi kalis nir sambikala boten wonten alangan satunggal punapa, saperlu badhe tirakatan Sumbing Sindoro
Salejengipun, kula ingkang tinenggenah wakiling panitiya ngaturaken sugeng rawuh lan agenging panuwun, awit sedaya warga sampun paring pambiyantu ingkang awujud punapa kemawon, murih saged kalaksanan ing adicara tirakatan Sumbing Sindoro ing wekdal punika.
Para Bapak, Ibu sarta kadang mitra ingkang satuhu bagyo mulyo, dene wosing gati wigatosing sedya, panjenengan kasuwun rawuh ing pahargyan punika, saperlu tirakatan, sesarengan nyenyuwun dumateng Gusti ingkang akaryo jagad, mugi mugi Kabupaten Temanggung langkung-langkung dusun Blimbing ing dinten dinten ingkang badhe dhateng saged manggih rahayu widada nir ing sambikala, tata tentrem kerta raharja tebih saking parang muka, saha para pangemabting praja pinaringan kekiyatan serta kawicaksanaan ingkang linangkung, saengga saged mujudakenbebrayan ingkang adhil makmur lahir lan batin.
